samir Admin
المساهمات : 148 تاريخ التسجيل : 24/02/2008
| موضوع: بعض الوصفات اللديدة الخاصة بالروز ...مرحبا... الخميس ديسمبر 10, 2009 4:21 pm | |
| على بركة الله غادي نبدأ...و كنتمنى هاد شي يعجبكم و انفيدكم و لو بفكرة بسيطة..</B>
هنا البطل ديال المسلسل و هو {الروز}</B> طبعا كلنا كنعرفوا فوائده الغنية و حضوره الدائم في المطابخ ديالنا و تنويره و تشريفه لموائدنا.(شفتوا الأسلوب المكركب على راسو هههههه بلا ما تظحكوا عليا أوكي)باسم الله ماشاء الله أبدأ...</B>الروز بالدجاج و الأنناس</B>في مقلاة كنعمل صدر الدجاج يتقلا في شوية ديال الزيت ثم كنزيد عليه البصل والشامبيون و الفلفل أخضر و احمر.ثم الملح و الابزار و التحميرة و معلق ديال السكر (الوصفة هادي حلوة)حين يقرب يطيب كنزيدو عليك معلق ديال الكاتشوب.كنشحر الروز مزيان في الزبدة و نزيد عليه الربيع و الملح و دامة ديال البنة و الماء باش يطيبكنعسل الأنناس في مقلة مدهونة بالزبدة و كنرش عليه القرفة و السكر حتى يتعسلو هاهو الطبق النهائيالروز على الطريقة التركيةكنحتاجو للروز و لهاد النوع من الشعرية في مقلاة كنعملو كمية لا بأس بها من الزبدة البلدية و كنقليو فيها الشعرية حتى يتحمر لونها و ترجع فحال محروقة هههه ثم كنزيدو عليها الروز حتى هو يتحممرمن بعد كنزيدو عليه الماء طااااايب المقدار الي غادي يطيب لنا به الروز على حسب الكمية الي عندنا و كدلك النوعكنخليواه حتى يطيب و يشرب الماء و نقدموه مع أي حاجة بغين,هنا قدمتو مع الشلاضة و القطبان ديال الكفتة.(ممكن نعملوه بنفس الطريقة وبدل من الشعرية التركية انديرو الشعرية ديالنا أو الفداوش...الوصفة جاية في اللاحق)الروز بالقمرون و طرطيات ديال الماكرونيباش نعملو طرطيات ديال الماكروني كنحتاجو...200 غرام ماكروني1 جعدة محدوكةبورو مقطعنصف فلفلة حمرا1 علبة من ماييسالثوم60 غرام زبدة1 كريم فريش25 غرام دقيق4 اصفر البيضزيت ملح ابزاركندوب الزبدة و الزيت في المقلاة و نرمي فيها ماييس(الدرة) باش تتحمرثم كنزيدو الخضر المقطعةو نخليوها تطيب..في هاد الأثناء كنسلقو المكرونيكنطربو البيض و الدقيق مع الكريم فريش و نعملو عليهم الخضر بعد ما قطرناها و الماكروني,نخلطو الكل ثم نقليوهم في الزيتالقمرون منقي في مقلة فيها معلق صغيرة ديال الزبدة و الملح و الابزار و نقليواه و حين يطيب نزيدو عليه الشبتقدمت هاد الوصفات مع بطل المسلسل (الروز) ههههفي الطبق كاين كراتان ديال الحوت سامحولي مصورتشي المراحلالروز بالكتفة ديال الغنمي في الفرن
شرملت الكتفة ليلة قبل...قليل من البصل و الثوم و الربيع و الملح و الابزارو السكينجبير و الخرقوم و القليل من القرفة و الزعفران الحرفي الغد غطيتها ودخلتها ديرك للفرن قلبتها واحد المرة ثم خليتها حتى طابت و تحمرات عاد خرجتهاالكفتة حكيت عليها البصل و الثوم و الربيه و تبلتها و شحرتها في الزبدة و زيدت عليها الروز المسلوق عاديعسلت الأنناس و الشريحة عملتها بالطريقة ديال الأخت نور بشرى الله يجازيها عليها بكل خير قدمت الطبق مزين على هاد الشكل و في الأخير دردرت على الشريحة والأنناس اللوز إفلي.روز بصدر الدجاج و الفلفل
صدر الدجاج مقطع طويل و البصل و الفلفل كدلك مقطعين طوال قليتهم و زيدت عليهم العطرية ديال الشاورما في مقلاة فيها نقطة ديال الزيتقطعت البطاطا و سلقتها في الماء و الملح و دامة البنة ملي طابت قطرتها ثم في مقلاة شحرتها في الزبدة و الابزار ثم قدمت الطبق مع سلطة الكراب(شفتو التفنن في التقديم ههههه ظحكو مع راسكم هههه)طورطة الروز بالبطاطا و الكفتةكنشحرو الكفتة مع البصل كنزيد عليهم خيرو محكوك و البورو نخلوهم يتقلاو و نزيدو الثوم و الربيع و الملح و الابزار و التحميرة و الزعفرانحين تطيب الخضرة كنزيدو عليها الروز مسلوق قنقطعو البطاطا دوائر وكنقليوها,ثم في صنية الفرن كنغلفوها بورق الطبخ و نستفو عليها طبقة ديال البطاطا و نحاولو نوقفو شي بطاطا حتى في الجناب و كنطربو شي2 بيضات و كبوهم عليهاثم خليط الكفتةو الخضرثم البطاطا و دائما كنعملو شي بطاطات واقفين في الجناب,و كنبقاو نعملو في الطبقات حتى نكملو كلشيطبقة أخيرة ديال البطاطاو هنا طربت 4 بيضات و عملتهم فو ق الطرطةكندخلوها للفرن تطيب على 200 درجة شي نصف ساعةوهدا الطبق النهائي مع الروز و اللبيا الخضرة مشرملةالروز بالسمك رول
البانكا فيلي و ممكن يتعوض بأي نوع من السمك الي بلا شوكالسالمونالثوم غبرةكريم فريشعصير الحامضالتحميرة و الابزارالثوم القصبي(هنا معملتوش مكنشي عندي)قطعت الفيلي رقيق وطويل و السالمون مربعاتو لفيت كل مربع من السالمون في شريط السمك الهبرة و سديتو بعود الأسنان بعد ما رشيتو بالملح و الابزار و خليتو على جنب(زيدت عليه حتى ديك المربعات ديال السالمون الي شاطلي)في إناء على نار هادئة كنعملو كريم فريش والتحميرة و الابزار و الثوم غبرة و عصير الحامضو نخليواه شويةبعدما كتوجد لاصوص كنعملوها فوق الحوت و نرشو عليها الثوم القصبي و ندخلوها للفرن شي نصف ساعةقدمتو مع الوز مع الكفتة بالطريقة الي عندي في الموضوع الي فيه الكتفة ديال الغنمي في الفرن,و الطرطية العادية.الروز بقطيبات الدجاج و الخضر
طريقة جد ساهلة و لديدة طيبت الخضر البصل الجزر و الجلبان و الفلفل أخضر ملي طابو زيدت عليهم الروز مسلوقروز بالشعرية و باللحم مبخرة و الخضر
هادي نفس الطريقة الي قدمت الروز بالطريقة التركية غير هدا بالشعرية ديالناكنحمرو الشعرية مزيان في الزبدة بلدية ثم كنزيدو عليها الروز حتى هو يتحمر و من بعد نكبو الماء طاااااااايب باش يطيب الروزبخرت اللحم و سلقت الجزر و شرملتو في المقلة و البطاطا قليتا ومن بعد شرملتا في المقلة الربيع و الثوم و الكامون و التحميرة و زيت العود نفس الطريقة الجزرروز بأمليط و الحوت
كنطربوا البيض مع الابزار و الملح و نعملوه امليط في زيت العود وحيت يطيب نقسموه طريفات و انضيفوه على الروز الحوت مشرمل و طايب في الفرانالطبق النهائي الروز و الحوت و الكروكيط ديال الحوت (شريتو جاهز غير قليتو فقط)الروز بالكفتة و الصنوبركنشحرو الشعرية في الزبدة البلدية ثم كنزيدو عليها الروز نخليوهم يتحمرو مزيان في ديك الزبدة عاد نكبو الماء طاااااايب ونخليواه يطيب,حين يقرب يطيب نزيدوا عليه الصنوبر محمر شوية في مقلاة(بلا زيت)كنشرملو الكفتة على حقها وطريقا بالتوابل و الربيع و البصل و الثوم محكوكين و شي بيضة ثمكنعملو شوية ديال زيت العود في مقلاة و تشحروها الطبق النهائي مع الكفتة مشوية في الفران و الفريتالروز بالدجاج و الخضررقدت نصف دجيوجة في الزبدة و الموطارد و الإبزار الأبيضمن بعد دخلتهم للفرن ثم شويتهمقليت الفلفل الملون في الزيت ثم قشرتو و ضيفته على البصل و مطيشة الصغيورة في زيت العود و الملح و الإبزار الأبيض..وهنا الطبق النهائي..روز بفواكه البحر و للومبيا
عملت البصل مشلضة و الثوم في المقلة وزيدت عليهم الفلفل ملون ثم فواكه البحر من بعد زيدت عليهم الروز يكمل الطياب معاهم مع الماء الكافيدوزت لتحضير اللومبيا:صدر الدجاج مقطع شرائح و شحرتو في شوية ديال الزيت من بعد زيدت عليه هاد الخضر و الملح و الابزار و دامة البنة و حين طاب زيدت عليهم الشعرية الصنية و لويتم في الورقة و قليتم في الزيت شلاضة ديال الروز مع الدنجال و الكفتة
الصور راها واضحة...روز بفخيطات الدجاج
أيضا حتى هنا الطرقة موضحة من خلال الصور..روز بالكفتة و البيض امليط (الطريقة موضحة سابقا)الدنجال مقلي في البيض و الدقيق..روز بالدجاج و وريدات البطاطاالدجاج طايب عادي و كثرت فيه البصل ملي طاب زيدت عليه الروز يطيب معاهطيبت البطاطا في الماء تم طحنتها وزيدت عليها الكريم فريش و الملح و الابزاردهنتها باصفر البيض و دخلتها للفرانروز بالكروفيت و القريصات ديال الماكريل(maquereau)
كولشي واضح من الصور..و هادو المقادير ديال الماكريلكنحتاجوا 1 علبة من الماكريل و نمعكوها بالفرشيطة,2 بطاطات محكوكين,2 خيزوات محكوكين,1ضريس ديال الثوم محكوك,الملح,الابزار,الربيع,شي 3 بيضات مطربين,معلق كبيرة الدقيقالروز مقلي في الزبدة مع الشعرية التركية(الطريقة موضحة سابقا)الحمد لله الذي اطعمني هذا ورزقنيه من غير حول مني ولا قوة | |
|